Ore Iravu – அறிஞர் அண்ணா எழுதிப் புகழ்பெற்ற நாடகங்களில் ஒன்றான இது ‘ஓர் இரவில்’ நடந்த கதை என பாராட்டப்பெறும் சிறப்புடையதாகும். ஜமீன்தார் ஜெகவீரன், கருணாகர தேவர், சீமான் செட்டியார் போன்ற படாடோபம் மிக்க செல்வந்தர்களிடம் சிக்கிக் கொண்டு ஏழைமக்கள் எவ்வாறெல்லாம் அவதியுற்றனர் என்பதை அன்றைய பண்பாட்டுச் சீரழிவுத் தொடர்பான சம்பவங்கள் மூலம் மிக அழகாக படம்பிடித்துக் காட்டுகிறார் அண்ணா. இவ்விரு வர்க்கத்தினருக்கும் தனித்தனி வாழ்க்கை முறை, பண்பாடு, நாகரிகம், கல்வி ஆகியவற்றில் மிகப் பெரிய இடைவெளியிருந்ததை வெளிச்சப்படுத்துகிறது இந்நாடகம்.