அறிவீட்டலும் அறிவூட்டலும்

முப்பண்புகளின் செயற்பாட்டிற்கு உதவிகரமாக அமைந்திருக்கிற சமூக – நற்பண்புகள், அவற்றிற்காக மனிதர்களைத் தயார்படுத்தவே உருவான கல்வி என்ற பண்பு முறையாகச் செயல்படவும் இன்றியமையாதவையாக விளங்குகின்றன. அறிவியல் வெளிப்பாடும் அறிதல் – அறிவீட்டலின் விளைவாகையில் அறிவியல் மனப்பான்மையை (scientific temperament) உருவாக்குவதற்கும் அதே சமூக நற்பண்புகள் அடிப்படையாக அமைகின்றன. ஆதலால், சமூக நற்பண்புகள் (Social virtues), அறிவியல் நற்பண்புகள் (Science Virtues) மற்றும் கல்வி நற்பண்புகள் (Educational Virtues) அனைத்தும் ஒன்றே என்று இந்நூல் விளக்குகிறது. ஆதலால், இந்நற்பண்புகளை அடித்தளமாகக் கொள்ளாமல் அறிவீட்டல், அறிவியல் மனப்பான்மை மற்றும் கல்வி என்ற ஒன்றுக்கொன்று தொடர்புடைய பண்புகளை வெற்றிகரமாக அடையமுடியாது என இந்நூல் அழுத்தமாகப் பதிவு செய்கிறது