கலைஞர் என்னும் மனிதர்

கலைஞர் என்னும் மனிதர் என்ற தலைப்பின் கீழ் கலைஞர் அவர்கள் எவ்வளவுக்கெவ்வளவு முழுமையாக நிறைந்துள்ளாரோ – அதே அளவிற்கு மணா என்னும் பத்திரிகையாளர் என்று தலைப்பு வைக்கும் அளவிற்கு நிறைந்திருப்பவர் மணா என்கிற லட்சுமணன், தமிழ் இதழியலின் நீண்ட பயணத்தில் – ஒரு பத்திரிகையாளராக – படைப்பாளராக – 40 ஆண்டுகள் பயணிப்பதென்பதும் – யாவர்க்கும் தோழனாக இருப்பதென்பதும் பாராட்டப்படவேண்டிய ஒன்று. சிறு பத்திரிகைகளில் கவிதை – சிறுகதை என்று எழுத்துலகத்துக்குள் நுழைந்தவர் – காட்சி ஊடகம் மற்றும் ஆவணப்படங்களின் இயக்குநராகவும் தன்னைப் பதிவு செய்திருப்பவர்.