சிறையில் ஒளிரும் நட்சத்திரங்கள்

பகத்சிங்கின் சிறைவாழ்க்கை, தோழர் சி.ஏ.பாலனின் ‘தூக்கு மர நிழலில்’ போன்ற நூல்களைப் படித்தவர்களுக்கு சிறைக்கொடுமைகள் பற்றி நன்கு அறிய முடியும். ஆனால் இது, நிறைந்த மனிதாபிமானம் கொண்ட ஒரு சிறை அதிகாரியின் டைரிக் குறிப்புகளாக, மொத்தமாய்ப் பார்த்தால் சிறைக் கைதிகளின் வாழ்க்கையைப் பற்றிய ஒரு நாவலைப்போல் விரிகிறது. மதுரைச் சிறையில் ‘அரசமரம்’, ‘மாமரம்’ குவராண்டிகளில் நானும் பல மாதங்கள் அரசியல் கைதியாக இருந்துள்ளேன்.